Patna ke Gandhi Maidan mein aaj ek bade pradarshan ke dauraan chhatron aur police ke beech tanav ka mahaul ban gaya hai. Yeh pradarshan naukri aur shiksha ke muddon ko lekar kiya ja raha hai, jisme kai chhatra sangathan shamil hain.
 |
| Image credit Getty images |
Is beech, Jansuraj Party ke karyakarta bhi Gandhi Maidan mein ikatthe ho gaye hain. Party ke neta aur rajneetik strategist Prashant Kishor ke bhi pradarshan sthal par pahuchne ki sambhavna hai, jo is pradarshan ko aur bhi zyada prabhavit kar sakta hai.
Reports ke mutabik, police ne pradarshan karne wale chhatron ko roknay ke liye barricades lagaye hain, lekin chhatron ne inhe tod kar aage badhne ki koshish ki. Is dauraan chhatron aur police ke beech halke jhagde bhi hue.
Prashant Kishor, jo ab Jansuraj Party ke madhyam se Bihar ki rajniti mein apna kadam jama rahe hain, iss pradarshan mein apni party ki maujoodgi ke zariye apna samarthan jata rahe hain. Unki upasthiti se pradarshan ko aur zyada political importance mil sakti hai.
Yeh dekhna ab rochak hoga ki sarkar is pradarshan par kya action leti hai aur yeh kis disha mein badhta hai।